ВЯСНА АПЯРЭДЗІЛА СЯБЕ ГУКАННЕ. Шуш

Звесткі аб аўтары глядзець тут.

 Гукальнікі Вясны спазніліся са сваёй місіяй усяго на паўдня – Вясна прыйшла з раніцы і расквасіла доўгачаканай цеплынёй раллю на Перуновай гары.

 Па гразкай глебе не паскачаш. Давядзецца пераходзіць на ўзвышша насупраць – там іржышча.

 У першую чаргу трэба прыбраць Зіму ў перадсмяротны строй.

 Не гледзячы на смяротны прысуд, варта бюст паправіць – дама усё ж хутка будзе пакараная.

 Мужыкі, усе на лесапавал! Дровы патрэбныя!

 Сячы, сякера!

 Старшыня праўлення лепельскіх інвалідаў Валодзя Кніга аглядае Зіму перад пакараннем і выносіць вердыкт: да смерці гатовая!

 Іншы Валодзя, падпальвай зладзейку!

 Жалю няма. Толькі нянавісць за сцюжу выклікае выкананне справядлівага прысуду.

 І Зімы не стала.

 Шчаслівы народ пусціўся ў карагод.

 Адразу птушкі вясновыя з выраю прыляцелі.

 У весялосць яны прысутных увялі.

 Ну, як тут устаяць ды да такіх гукальніц не прымазацца?

 Дайце музыку, крутую музыку!

 Наце музыку.

 Кідайцеся ў скокі ўсе, хто ног не шкадуе.

 Імпэту людскога не разбіць, не спыніць, не стрымаць!

 А імбрычак ужо свішча-кліча ахвочых да гарбаты.

 Абрус-самабранік поўніцца прысмакамі ўсялякімі. Хочаш, мёдам аб’ядайся.

 Калі душа просіць – салам ад’ядайся.

 Але найбольш нарасхват ідуць жаўрукі, Вясной спечаныя.

 Вясна прыйшла, дык радуйцеся.

 Мы цябе любім, Вясна!

24 сакавіка 2018 году.