НАШЫ НА «СЛАВЯНСКІМ БАЗАРЫ»
Сегодня: 1, за неделю: 4, всего: 1068
Кожны беларус павінен наведаць “Славянскі базар”. Так лічаць і лепельцы. Імкнуцца самастойна ці ў складзе калектыву пабыць у амфітэатры ў Віцебску.
Не засталася абыякавай да знакавай падзеі і раённая арганізацыя інвалідаў.
Гурт яе прадстаўнікоў спачатку разбегся па Горадзе Майстроў у пошуках сувеніраў.
Затым уселіся ў амфітэатры глядзець паказ “Фестывальны хіт”.
З цікавасцю паслухалі дэбюты маладых выканаўцаў з усяго свету.
У другой частцы канцэрту ўжо масцітыя ўдзельнікі журы парадавалі слухачоў-гледачоў сваімі “канькамі”. З заміраннем сэрца слухалі дзеці і моладзь далёкіх 60-х незабыўную песню “Джамайка” італьянскага хлопчыка,
а цяпер 72-гадовага спевака Раберціну Ларэці.
Дахаты з’явіліся пад раніцу з добрым настроем і прыемнымі пажыццёвымі ўспамінамі.
16 ліпеня 2018 году.
