22 июля 2018 в 08:46 — 2 года назад

РАЙПОЎЦЫ ЦІКАВЯЦЦА ГІСТОРЫЯЙ

Тема: Валацужныя навіны     Сегодня: 1, за неделю: 4, всего: 1269

 Работнікі райпо цікавяцца гісторыяй Вялікага Княства Літоўскага.

 Ужо не першы раз выказалі жаданне сем’ямі наведаць старажытныя замкі. Прафсаюз падтрымаў сваіх сяброў і аплаціў палову кошту паездкі. У экскурсійны аўтобус селі 42 турысты.

 У Нясвіжы экскурсію пачалі ад помніка першаму ў горадзе выдаўцу Сымону Буднаму.

 Наведалі касцёл Божага Цела.

 З усіх бакоў агледзелі радавы замак князёў Вялікага Княства Літоўскага Радзівілаў, дынастыя якіх скончылася ў 1939 годзе, калі Чырвоная армія, захапіўшы Нясвіж, арыштавала ўсю сям’ю апошняга князя.

 Прагуляліся па Старому парку.

 Загадалі патаемныя жаданні для здзяйснення іх радзівілаўскім каменем.

 У замкавым двары сфатаграфаваліся, каб надоўга запомніць захапляльную экскурсію.

 Рэстаўратары пашчыравалі ад душы і сэрца. Нават не верылася, што ў савецкія часіны ў княжацкіх пакоях і сталоўках лячыліся і елі хворыя санаторыю для спецкантынгенту.

 Калі задаволіліся аглядам Нясвіжу і Нясвіжскага замку, пераехалі ў Мір. Там узяліся штурмаваць Мірскі замак.

 Шмат новага даведаліся пра гэтую важную фартэцыю Вялікага Княства Літоўскага. Напрыклад, што пасля захопу Міру і замку чырвоным войскам у 1939 годзе, апошняга мірскага князя Аляксандра Святаполка-Мірскага пасадзілі на восем год як сацыяльна-небяспечнага элемента. Фашысты ў замку размясцілі гета. Пасля вайны за крапаснымі сценамі пасяліліся савецкія грамадзяне, жытло якіх знішчыла ліхалецце. Толькі ў 1962 годзе замак перастаў быць жылым домам, а стаў калгасным збожжасховішчам, грамадскай прыбіральняй і схованкай для вучняў, якія ўцякалі з урокаў. Да гэтага часу ў Міры жывуць гараджане, месцам нараджэння якіх пашпарт называе Мірскі замак.

 З 1962 году умацавальны комплекс бязлітасна рабаваўся. Цяпер Мірскі замак не пазнаць – стаў такім, якім быў пры князях.

 Уражанняў хопіць на ўсё жыццё.

21 ліпеня 2018 году.









Авторизуйтесь, чтобы оставить комментарий
Темы автора


  




Популярные за неделю


ДОКУДА ЖЕ ВЫ БУДЕТЕ СПАТЬ?  — 6 дней назад,   за неделю: 615 
А ЧТО, ОДНО ОКНО КРЯКНУЛО?  — 3 дня назад,   за неделю: 590 
НЕЛЬЗЯ ПИСАТЬ ПО-БЕЛАРУССКИ  — 4 дня назад,   за неделю: 575 
ИНВАЛИДЫ СПРАВИЛИ НОВОСЕЛЬЕ  — 1 неделю назад,   за неделю: 356 
Мемуар 126. ЕДИНЫЙ ПОЛИТИЧЕСКИЙ ДЕНЬ  — 5 дней назад,   за неделю: 321 
ВСЯКИЙ ИНАКОМЫСЛЯЩИЙ - ЭКСТРЕМИСТ  — 2 дня назад,   за неделю: 264 





Яндекс.Метрика
НА ГЛАВНУЮ