Блоги LEPEL.BY

Блукач ВАЛАЦУЖНЫ: 23.04.2012 (01:45) — 7 лет назад

З ВЕРТАЛЁТА -- У РАКУ, або АХОВА ПРЫРОДЫ ПРЫ КАМУНІЗМЕ

Тема: Прырода Лепельскага краю    Сегодня: 1, за неделю: 6, всего: 463

Вандроўныя нататкі старога валацугі

Канец 80-х. На матаролеры “Туліца” прыязджаю на часовую верталётную пляцоўку, размешчаную на меліяраванай плошчы за вёскай Свядзіца. Запраўшчыкі з сельгасхіміі запраўляюць верталёт мінеральнымі ўгнаеннямі і той распыляе іх над полем. А поле рэжуць загнаная ў канал рака Свядзіца і шматлікія каналы, што ў яе ўпадаюць.

Напісаў нататку ў раённую газету “Ленінскі сцяг” пад загалоўкам “З верталёта -- у раку”. І пачалося!

У рэдакцыю прымчала начальніца станцыі аховы раслін Ліля Тышкевіч. Паказвае мне і рэдактару Васілю Хаванскаму тлумачальныя запіскі запраўшчыкаў верталёта. Прозвішча аднаго запомніў -- Шах з вуліцы Сянной. У іх напісана: “Да нас пад’ехаў на матаролеры нейкі чалавек. Спытаў, чым запраўляем верталёт. Мы адказалі. Ад яго даносіўся пах спіртнога”.

Рэдактар заявіў цвёрда: хлусня, што Шушкевіч ездзіў п’яны. І да ўвагі наезд на мяне не прыняў. Аднак Ліля сказала, што верталётчыкі збіраюцца падаваць у суд за паклёп п’янага чалавека, хочуць павазіць мяне над полем, каб паказаць, што да ракі яны не даляталі. Як быццам каналы між меліярацыйнымі картамі не ўпадаюць ў Свядзіцу!

З радасцю пагаджаюся -- хоць на верталёце пакатаюся. Прыехалі ў Стары Лепель, дзе ўжо базаваўся верталёт, аднак быў моцны вецер і надвор’е лічылася нялётным. Палёт адмянілі.

Больш гэтую праблему ніхто не ўзнімаў, хоць кожны з бакоў і застаўся пры сваіх інтарэсах.

Вось так “ахоўвалі” прыроду і змагаліся за яе чвэрць стагоддзя таму назад.

Ваўчок ВАЛАЦУЖНЫ (Валадар ШУШКЕВІЧ). 2012 год. ЛЕПЕЛЬ.







Склифасовский: 24.04.2012 в 21:11 — 7 лет назад
Возьмите прокатиться на вертолётё.



ирада: 24.04.2012 в 21:16 — 7 лет назад

А в Ушачском крае Валацуга не проходил?Порассказал бы.Да и в Толочинском районе много интересного.пора расширять круг общения.А и устраивать прогулки валацужныя тоже неплохо.Можно за деньги, окупится труд.






Авторизуйтесь, чтобы оставить комментарий
либо используйте:

Темы автора


  




Популярные за неделю


РЫБНЫЙ ДЕНЬ. Шуш Эсенскі — 7 дней назад,   за неделю: 507 
ТУХТА ПРЭЗЕНТУЕ КНІЖКУ — 20 часов назад,   за неделю: 254 
682. АДМЕТНАСЦІ ПАСЕЛІШЧА ПАЛЯКАЎ. Тухта Валер — 4 дня назад,   за неделю: 245 
ЮШКИ — 1 неделю назад,   за неделю: 140 
ВЫЙШЛА КНІЖКА ПРА ЛЕПЕЛЬСКІХ КАВАЛЕРАЎ. Шуш — 7 месяцев назад,   за неделю: 51 
681. «ПОЛЬСКІЯ ШПІЁНЫ». ШКОЛА. Тухта Валер — 2 недели назад,   за неделю: 50 



 

Copyright © 2009 - 2018 — Леонид Огурцов

LEPEL.BY - Карта Лепеля

Пользовательское соглашение