Блоги LEPEL.BY

Блукач ВАЛАЦУЖНЫ: 05.06.2012 (21:13) — 7 лет назад

СЛОВА ПАГАНЦА, або СЛЕДАВІК КРУГЛЫ ГОД

Тема: Прырода Лепельскага краю    Сегодня: 2, за неделю: 11, всего: 646

Вандроўныя нататкі старога валацугі

Адзін вельмі высокапастаўлены дуст назваў сябе праваслаўным атэістам. З яго смяяліся. У тым ліку і я. Абракадабра слоў атрымалася. Аднак, паразважаўшы над фактам, прыйшоў да высновы, што і я ёсць антыхрысціянскі, антыбахайскі, антыбудысцкі, антыіндуісцкі, антыісламскі, антыіудаісцкі атэіст. Прызнаю адзіную веру -- паганскую. Я -- паганец.

Паганства (з лацінскага paganus, што азначае “мясцовы жыхар, мужыцкі”) -- сістэма рэлігійных культаў, якія адухаўляюць навакольныя рэчы і з’явы прыроды (дрэвы, жывёл, Сонца, навальніцу і да т.п.) У больш агульным сэнсе -- не прызнаюць монаатэізм -- адзінага бога.

Я веру ў магічную сілу камянёў. Пакланяюся ім. На шыі заўсёды нашу наканаваны мне шчаслівым лёсам камень Лазурыт. Штомесяц на рытуал, як прыхільнікі іншых рэлігій у свой малебны дом, хаджу на Следавік (камень з адбіткам чалавечых слядоў і ног хатніх жывёл), які знаходзіцца за 3,6 кіламетра ад майго дома ў кустах паміж вёскамі Залессе і Вялікі Поўсвіж. Мой Следавік пазначаны ўстаноўленымі на Аршанцы дарожнымі знакамі “Славутасць” як помнік прыроды. Усяго на Беларусі знойдзены 102 Следавікі, два з якіх знаходзяцца на Лепельшчыне. Адзін з іх -- ля вёскі Красналучка Валосавіцкага сельсавета. На жаль, ён менш вядомы з-за сваёй аддаленасці ад цэнтра. Шануе і даглядае Красналуцкі Следавік мясцовы дзед Валодзька Няміра.

Пра Поўсвіжскі Следавік я ўжо пісаў у сваіх вандроўных нататках. Цяпер хачу паказаць яго ў розныя поры года. Ён заўсёды чакае сваіх прыхільнікаў. Так што, паганцы, прабівайце сцежку да Следавіка ў любую пару года. Нялёгка яна часам даецца.

Сама лягчэй трапіць на Поўсвіжскі Следавік увосень, калі сеянка з’едзеная каровамі, збажына зжатая камбайнамі. І дарога лёгкая, і прыродная трава вакол Следавіка пажухлая.

Узімку часам даводзіцца мясіць снег, правальваючыся па пояс. На лыжах? Але дабярыся на іх да павароту з Аршанкі!

Увесну ў доўгіх ботах з Аршанкі дайсці да Следавіка не так ужо і складана. Толькі вось сам ён плавае ў балоце. Востравам здаецца. Не ўтрымаешся, каб не пасядзець на каменнай выспе.

Улетку дабрацца да Следавіка даволі складана -- перашкаджаюць высокія сеяныя травы і збажына -- два полі неабходна пераадолець, падзеленыя паміж сабой гразкай канавай. Лепш за ўсё трэба пастарацца трапіць на святое месца ў пачатку лета, калі культурныя расліны яшчэ не набралі рост. Уявіце, як прадзірацца сярэдзінай лета скрозь жыта ў чалавечы рост.

І напачатку лета вакол Следавіка яшчэ не вырасла асака, якая надае балотцу вакол яго няўтульны выгляд, а вясновая вада ўжо ўбралася ў зямлю і выпарылася ў неба.

Следавік чакае вас!

Новы 2005 год я сустракаў на Следавіку.

Ваўчок ВАЛАЦУЖНЫ (Валадар ШУШКЕВІЧ). 2012 год. ЛЕПЕЛЬ.









Авторизуйтесь, чтобы оставить комментарий
либо используйте:

Темы автора


  




Популярные за неделю


КАК ПИТАЛИСЬ НАШИ МАМКИ. Шуш Эсенскі — 1 неделю назад,   за неделю: 447 
ДРОВА: ЗАБОТ ТАЧКА. Шуш Эсенскі — 5 дней назад,   за неделю: 407 
МОТОКРУИЗ. Дороги у них хуже наших? (7) — 2 недели назад,   за неделю: 258 
ОЗЕРО ЛЕПЕЛЬСКОЕ - ВЗГЛЯД С БЕРЕГА — 7 лет назад,   за неделю: 182 
МОТОКРУИЗ. С торговлей у них похуже нашего (6) — 2 недели назад,   за неделю: 167 



 

Copyright © 2009 - 2019 — Леонид Огурцов

LEPEL.BY - Карта Лепеля

Пользовательское соглашение