Блоги LEPEL.BY

Блукач ВАЛАЦУЖНЫ: 10.06.2012 (11:05) — 7 лет назад

САМОТНАЯ РУСАЛКА, або ЦМОК У АБДЫМКАХ НЯЧЫСЦІЦЫ

Тема: Прырода Лепельскага краю    Сегодня: 6, за неделю: 16, всего: 652

Вандроўныя нататкі старога валацугі

У парку паставілі скульптуру Русалкі.

Спрытная маладзіца, хоць і з хвастом замест ладных ляшак. Толькі незразумела свядомаму люду, якое дачыненне мае міфічная істота да Лепельскага возера ці гарадскога парку. Так, жывуць Нячысціцы ў кожным вадаёме. Безумоўна, шмат іх і ў Лепельскім. Але ж ніводная з іх нічымасаблівым не вызначылася, інакш была б народам прыдуманая нейкая там легенда або паданне аб незвычайных паводзінах ці дзеяннях напаўмаладзіцы-напаўрыбіны. Так што Русалка ў парку – усяго толькі пустая скульптура.

Аднак Лепельскае возера, паводле рамана беларускага пісьменніка Уладзіміра Караткевіча “Хрыстос прызямліўся ў Гародні”, кішма кішэла Цмокамі – страшнымі і брыдкімі істотамі.

На сваю бяду, а можа і на наша шчасце, у даўніну яны ўсе выдахлі. Хаця ў масавую смерць нячысцікаў многія не вераць – хоць некалькі іх, хоць адзін на развод ды павінен быў застацца. Так думаюць ва ўсёй краіне. Нездарма ўвосень у Лепель прыязджала шукаць Цмока экспедыцыя сталічнай газеты “АВТОбизнес”. Бачылі пачвараў і многія лепяльчане, у тым ліку і ваш верны слуга Валацуга. Аб тым шмат распавядалася ў яго вандроўных нататках у блозе “Прырода Лепельскага краю”.

Дык вось, са скульптуры Русалкі атрымаўся пшык – ніякага фору яна гораду не надала. А цяпер уявіце, што каля Русалкі прыладкаваўся Цмок.

Вось вам і легенда, вось і гісторыя, вось і сапраўдны брэнд Лепеля. Ніводзін госць горада не праміне двух Нячысцікаў, абавязкова сфатаграфуецца з імі. І запаланяць фотаздымкі інтэрнэт, і паедуць спецыяльна ў Лепель паглядзець на лепельскае цуда-юда спачатку з бліжэйшых гарадоў, потым з далейшых, а пазней і з іншых краін. Турысты нарасхват пачнуць купляць сувеніры з выявай пары Нячысцікаў. Мастакі не будуць паспяваць маляваць, іншыя народныя майстры – вырабляць Цмокаў і Русалак.

І стануць называць наш горад Нью-Русацмокам спачатку неафіцыйна, а з часам і афіцыйная такая назва будзе яму нададзена. Ва ўсякім выпадку Нью-Русацмок стане накшталт легендарных ільфапятроўскіх Нью-Васюкоў.

На поўным сур’ёзе Лепелю можа прынесці такую славу братэрства ці сэксапільства пары Нячысцікаў.

Ваўчок ВАЛАЦУЖНЫ (Валадар ШУШКЕВІЧ). 2012 год. ЛЕПЕЛЬ.









Авторизуйтесь, чтобы оставить комментарий
либо используйте:

Темы автора


  




Популярные за неделю


КАК ПИТАЛИСЬ НАШИ МАМКИ. Шуш Эсенскі — 2 недели назад,   за неделю: 505 
ДРОВА: ЗАБОТ ТАЧКА. Шуш Эсенскі — 2 недели назад,   за неделю: 498 
МОТОКРУИЗ. Дороги у них хуже наших? (7) — 3 недели назад,   за неделю: 314 
ОЗЕРО ЛЕПЕЛЬСКОЕ - ВЗГЛЯД С БЕРЕГА — 7 лет назад,   за неделю: 288 
ПО ЖИЗНИ ФОТОЛЮБИТЕЛЬ: КАКАЯ ПОЛЬЗА? Шуш Эсенскі — 1 неделю назад,   за неделю: 263 
МОТОКРУИЗ. С торговлей у них похуже нашего (6) — 3 недели назад,   за неделю: 224 



 

Copyright © 2009 - 2019 — Леонид Огурцов

LEPEL.BY - Карта Лепеля

Пользовательское соглашение