Блоги LEPEL.BY

Блукач ВАЛАЦУЖНЫ: 15.06.2012 (10:38) — 6 лет назад

ДАРОГА НА АЭРАДРОМ, або ЯК З КАПІТАЛЬНАГА РОБЯЦЬ ПШЫК

Тема: Прырода Лепельскага краю    Сегодня: 1, за неделю: 5, всего: 524

Вандроўныя нататкі старога валацугі

Пры руху па шашы Мінск -- Віцебск, адразу за абрэзанай ёй гарадской вуліцай Партызанскай, адгаліноўваецца даволі шырокая дарога. Толькі з’езд заасфальтаваны, а ўся яна пясчаная.

Абапал раскінуліся парослыя хмызняком балоты.

Злева -- нядаўна капітальна адрамантаваная будыніна на газаправодзе.

Управа зробленыя сельгастэхнікай непраезныя з’езды на былое саўгаснае поле, а цяпер людскія агароды. На градках і ў парніках заўсёды ў цёплы час капошацца гараджане.

Далей паўз дарогу выраслі вялізныя асіны.

Словам, даволі экзатычная дарога. І ўжо мала хто са старажылаў памятае, што нейкіх дзесятак год таму назад была яна не толькі ў разы больш экзатычная, а нават гістарычная. І назву велічную да гэтага часу носіць -- Аэрадромаўская. Але назва гэтая не адпавядае прызначэнню дарогі. Праклалі яе ў даваенныя часіны пры будаўніцтве чыгункі з Оршы ў Лепель як аб’язную для ўзвядзення над рэйкамі пуцеправода -- Гарбатага моста. Проста выпадкова атрымалася, што выходзіла дарога на месца колішняга аэрапорта, дзе цяпер размешчаныя аўтасэрвіс “155,5” ды лукойлская атазапраўка.

Падобны аб’езд быў пракладзены і пры нядаўняй рэканструкцыі Гарбатага моста, толькі па левым баку шашы. Мост зрабілі і непатрэбны аб’езд ліквідавалі. Той жа, даваенны, пакінулі, бо на часовы ён ніяк не цягнуў -- высокі насып быў забрукаваны чэсанымі камянямі, як і сама шаша на ўсім працягу.

Толькі вось надумаў нейкі начальнік напачатку гэтага тысячагоддзя ўзадраць брук з Аэрадромаўскай дарогі на гарадскія клумбы. Вось адна з іх на рагу вуліцы Партызанскай і Менскай шашы, аб якую не адна машына разбілася.

Не чуў, каб іншыя клумбы служылі таранамі для транспарту, аднак матэрыял, з якіх яны зробленыя, больш карысці прыносіў бы на сваім месцы -- Аэрадромаўскай дарозе. Па ёй да гэтага часу ездзіць шмат тэхнікі -- дарожнікі возяць пясчана-солевую сумесь на спецыяльную пляцоўку для выкарыстання ўзімку.

А вайскоўцы ўвогуле падвялі да Аэрадромаўскай дарогі чыгуначную каляіну і адгрохалі вялізную платформу для падвозкі і выгрузкі баявых прыпасаў і тэхнікі.

А ўжо вывозяць іх на грузавіках па Аэрадромаўскай дарозе. Вось і ператварылася яна ў танкадром. Хоць і засыпалі лужыны неаднойчы, аднак мяккі грунт зноў выбіваецца і ператвараецца ў глыбокія калдобіны, якія без ботаў не абыдзеш.

Самі машыны дарожнікаў і вайскоўцаў буксуюць там. Але каго гэта хвалюе: выратаванне тапельцаў -- справа рук саміх тапельцаў.

За галоўнай чыгункай Аэрадромаўская дарога скрозь зарасла травой, лазой і бярэзнікам.

Можа там яна і непатрэбная. Аднак да гары салёнай сумесі і выгрузной эстакады дарога павінна быць у належным стане. Сапсавалі -- зрабіце! Як тое робіць вадзіцель-недарэка, які паламае суседскі плот.

А яшчэ Аэрадромаўская дарога служыць любімым месцам адпачынку жыхарам мікрараёна Сельгастэхніка пасля таго, як за Мінскай шашой знішчылі Інтэрнатаўскі сад. Яго быццам акультурылі, полем зрабілі, жылы пасёлак паставілі, сажалак накапалі, але ж у стэпе не адпачнеш. А ля эстакады ў ляску хаваецца Эстакадаўская сажалка, у якой мясцовы люд любіць карасёў вудзіць, грыбы навокал пазбіраць.

Толькі вось дабірацца да сажалкі і грыбных гайкоў вельмі кепска па бездаражы.

Ваўчок ВАЛАЦУЖНЫ (Валадар ШУШКЕВІЧ). 2010 год. ЛЕПЕЛЬ.









Авторизуйтесь, чтобы оставить комментарий
либо используйте:

Темы автора


  




Популярные за неделю


ЧЕЛОВЕК В ТРАНШЕЕ. ЛЮДЯМ ПОФИГУ — 4 дня назад,   за неделю: 579 
ДАСЯГАЕМ УЗРОЎНЮ ЎКРАІНЫ 2005 ГОДУ Ў СФЕРЫ ГАНДЛЮ — 3 дня назад,   за неделю: 359 
ПАДЕНИЕ ИНТЕРЕСА К ЧТЕНИЮ. Шуш Эсенскі — 6 дней назад,   за неделю: 353 
ПАПІЛІ-ЗАКУСІЛІ НАД ВЕРАБСКІМ КАНАЛАМ. ФотаФік — 7 дней назад,   за неделю: 341 
ПАДПОЛЬНАЯ ЗВАЛКА НАБІРАЕ РАЗМАХ — 2 дня назад,   за неделю: 308 
ЛАТЫШСКІ І БЕЛАРУСКІ БЕЛАРУСЫ ПРА СВАІХ ПРЭЗІДЭНТАЎ — 1 неделю назад,   за неделю: 290 
668. А ШТО ЗА ЎСХОДНЯЙ МЯЖОЙ РАЁНА? Тухта Валер — 21 час назад,   за неделю: 122 
 

Copyright © 2009 - 2018 — Леонид Огурцов

LEPEL.BY - Карта Лепеля

Пользовательское соглашение