Блоги LEPEL.BY

Блукач ВАЛАЦУЖНЫ: 12.07.2012 (06:42) — 6 лет назад

ПАГОНЯ ЗА КАРАСЯМІ, або РЫБАЦКАЕ ШЧАСЦЕ

Тема: Прырода Лепельскага краю    Сегодня: 1, за неделю: 8, всего: 646

Вандроўныя нататкі старога валацугі

На досвітку -- плюс 20. Куды кінуцца на рыбу? А давай на сажалку ля АБЗ, з якой 4 мая выцягнуў карася і ратана, а 11 мая -- нічога. Можа цяпер пашанцуе?

Пад’ехаў з боку байчэйшай дарогі на АБЗ. Але што гэта. Водарасці суцэльным кілімам з дна ўзняліся амаль да самай паверхні па ўсім вадаёме. Пераехаў на супрацьлеглы бок, дзе ўвесну на вудзе ўстанаўліваў паўтарамятровую меру. І там такая самая ціна вышугала пад самую паверхню. Закінуў усё ж вуду, зрабіўшы паўмятровую меру. Ляжыць паплавок -- значыць патапец прымасціўся на ціну. Куды ні закіну -- тое самае. Дарэмна пяць кіламетраў гнаў “Дракона”. Адчальваю і бяру кірунак на логава Балотніка. Яно хоць і не сажалка, а сапраўднае балота, аднак два дні таму назад выцягнуў з яго дзевяць карасёў агульнай вагай 220 грамаў. А логавам балота называю таму, што з яго ў навагоднюю ноч да мяне прынёсся Балотнік у вобразе страшэннага сабакі. І ціны ў ім няма, а дакладней -- ёсць зручныя для вуджэння прагалы між воднай расліннасці і кустоўя.

На самым зручным месцы з вудай сядзеў Ігар Шаптун. Ён гэты прагал пачысціў і таму лічыць сваім. Сказаў, што толькі двойчы клёў бачыў, хоць мінулым вечарам шмат карасёў нацягаў. Не хочуць брацца, бо нерастуюць -- бурбалкі з дна пускаюць.

Хацеў ужо дахаты ехаць, аднак у апошні момант перадумаў. Аб’ехаў балота і прымасціўся на невялікім лапіку між кустоў.

Роўна ў шэсць гадзін без усялякай надзеі закінуў вуду і вачам не веру -- паплавок пайшоў убок. Выцягваю ладнага карася. Следам -- другога. Вось табе і невялікі лапік з краю балота, у які нават вуду закінуць складана!

Правілаў Слаўка падыходзіць. Ён вудзіць збоку, паміж мной і Шаптуном. Пытае пра ўлоў. Паказваю на трох карасёў у траве. Здзіўляецца -- ён нават клёву не бачыў. Не паспявае ён адысціся, як я крычу:

-- Слаўка! -- і паказваю адразу два карасі на вудзе, бо вуджу на два кручкі.

Роўна ў восем гадзін скончыліся чарвякі. Палічыў здабычу. 16 карасёў.

Дома скво за галаву схапілася ад радасці і здзіўлення -- карасі пацягнулі на 840 грамаў. Сярэдняя вага аднаго -- 52,5 грама. У сярэднім карась трапляўся на кручок кожныя 7,5 хвіліны. Для мяне -- нечуваная ўдача. А Слаўка ўвечары сказаў, што ён навудзіў хвастоў з 20.

-- Ерунда! -- заключыў.

Вось так! Каму “ерунда”, а каму і рыбацкае шчасце.

Ваўчок ВАЛАЦУЖНЫ (Валадар ШУШКЕВІЧ). 2012 год. ЛЕПЕЛЬ.







Минчанин: 12.07.2012 в 10:17 — 6 лет назад

О, я бачу, Пан Валацуга, робіць поспехі.калі так справа і далей пойдзе, хутка будзе астатніх вучыць, як карасёў вудзіць.




Cvetik: 12.07.2012 в 10:34 — 6 лет назад
Baлацуга, не сочти за лесть, но вчера для себя отметила, что без тебя твоя районка заметно сдала позиции. А про Купалье в Люкшине и читать не интересно было. Ну не то .... Пресно всё и не интересно. Хотя, может я уже привыкла к твоей манере изложения материала здесь, на сайте? Но всё равно - ерунда.



Склифасовский: 12.07.2012 в 19:52 — 6 лет назад

Cvetik, а ты что, раба печати, что выписываешь "районку"? Не стыдно? А говорила когда-то, что БТ не смотришь... Как тут верить интернету, где все врут через одного?




Cvetik: 12.07.2012 в 23:29 — 6 лет назад
Я говорила про телевидение вообще. Специально не смотрю, только в кухне во время домашней работы. А газеты добровольно-принудительно выписывают и с зарплаты высчитывают.





Авторизуйтесь, чтобы оставить комментарий
либо используйте:

Темы автора


  




Популярные за неделю


ЧЕЛОВЕК В ТРАНШЕЕ. ЛЮДЯМ ПОФИГУ — 4 дня назад,   за неделю: 579 
ДАСЯГАЕМ УЗРОЎНЮ ЎКРАІНЫ 2005 ГОДУ Ў СФЕРЫ ГАНДЛЮ — 3 дня назад,   за неделю: 359 
ПАДЕНИЕ ИНТЕРЕСА К ЧТЕНИЮ. Шуш Эсенскі — 6 дней назад,   за неделю: 353 
ПАПІЛІ-ЗАКУСІЛІ НАД ВЕРАБСКІМ КАНАЛАМ. ФотаФік — 7 дней назад,   за неделю: 341 
ПАДПОЛЬНАЯ ЗВАЛКА НАБІРАЕ РАЗМАХ — 2 дня назад,   за неделю: 309 
ЛАТЫШСКІ І БЕЛАРУСКІ БЕЛАРУСЫ ПРА СВАІХ ПРЭЗІДЭНТАЎ — 1 неделю назад,   за неделю: 290 
668. А ШТО ЗА ЎСХОДНЯЙ МЯЖОЙ РАЁНА? Тухта Валер — 22 часа назад,   за неделю: 126 
 

Copyright © 2009 - 2018 — Леонид Огурцов

LEPEL.BY - Карта Лепеля

Пользовательское соглашение