24 окт 2017 в 20:25 — 3 года назад

Крыж стаў на месца

Тема: Валацужныя навіны     Сегодня: 1, за неделю: 5, всего: 1298

 У 2014 годзе лепельскія сьвядомыя паставілі крыж на месцы расстрэлу, якое дагэтуль замоўчваецца (глядзець тут). У кастрычніку 2017 году жыхар Бароўкі Анатоль Паўлоўскі паведаміў, што крыж знік. Блукач ВАЛАЦУЖНЫ выехаў на месца. Крыж ляжаў на зямлі эпітафіяй уніз. Звежы злом сведчыў, што ён не згніў – яму дапамаглі паваліцца несьвядомыя. Блукач і Скалаброд трывала прывязалі дротам да тоўстай сасны адзіны ў свеце відавочны прымітыў афіцыяльна засведчанай актам эксгумацыі, але болей ні ў якім дакуменце не прызнанай брацкай магілы.







24 окт 2017 в 21:00 — 3 года назад

Рабіць выгляд, што гэтых пахаванняў няма -- злачынства. А чаму сьвядомыя не звернуцца пісьмова да ўладаў ці дэпутатаў, ці у пракуратуру з адпаведнай прапановай ?



24 окт 2017 в 21:40 — 3 года назад

Звярталіся ў ваенкамат і да былога намесніка старшыні райвыканкама Нікіціна. Абяцалі даслаць пошукавы батальён для раскопак. Але ў сьвядомых не хапіла настойлівасці працягваць дамагацца выканання абяцанку. У мяне сустрэчнае пытанне да абсалютна ўсяго грамадства: а чаму гэту высакародную справу павінны ажыццяўляць менавіта сьвядомыя, да якіх негатыўнае стаўленне ў большасці таго ж грамадства? А дзе астатнія яго складальнікі?



24 окт 2017 в 21:43 — 3 года назад

А што праблема з увекавечваннем брацкай магілы справа надзвычай важная - сведчыць колькасць праглядаў рэпартажу, на які ўказвае спасылка ў навіне - 73000.



24 окт 2017 в 22:10 — 3 года назад

Ты ж ведаешь, што грамадства можа паабяцать, а потым на галасаванні паднятую руку схаваць за суседа. Гісторыю робяць адзінкі. Ты лепей за ўсіх валодаешь ведамі па гэтай справе -- табе і пачынаць, "каб потым не было пакутліва балюча за ...". Мы можам падісацца пад зваротам і падтрымаць.



24 окт 2017 в 23:45 — 3 года назад

Я часта вытыркаўся першы і першы атрымліваў па башцэ. А тыя, хто мяне падпурхтоваў, у кусты хаваліся. Я паразумнеў, лічу сваё жыццё цяпер у разы больш прыстойным, чым у СССР. Яшчэ больш яго не палепшыць ніякі зрух у грамадстве, дакладней - не дачакаюся яго. Жыць жа мне не так ужо і шмат. Дык навошта псаваць сваё жыццё за паляпшэння яго тым, хто сам баіцца тое рабіць? Няхай пашукаюць дурную Дуньку.



26 окт 2017 в 09:17 — 3 года назад

У падтрымку таго, каб з дапамогай 52-га пошукавага батальёна даследаваць гэтыя пахаванні і належным чынам увекавечыць памяць загінулых, сёлета выказаўся дэпутат Палаты прадстаўнікоў Нацыянальнага сходу Рэспублікі Беларусь Ігар Мартынаў у інтэрв´ю газеце "Лепельскі край" (змешчана на першай старонцы газеты за 10 мая 2017 года) і я асабіста чуў як Ігар Феліксавіч даваў адпаведнае даручэнне наконт гэтага ваенкому Лепельскага і Ушацкага раёнаў Васілю Шапка.





Авторизуйтесь, чтобы оставить комментарий
Темы автора


  




Популярные за неделю


ИНВАЛИДЫ СПРАВИЛИ НОВОСЕЛЬЕ  — 4 дня назад,   за неделю: 1057 
Что в Лепеле хуже. ГОРКИ - АВТОБУС ЗА АВТОБУСОМ  — 4 дня назад,   за неделю: 432 
ДОКУДА ЖЕ ВЫ БУДЕТЕ СПАТЬ?  — 2 дня назад,   за неделю: 428 
БУДЬТЕ МУЖЕСТВЕННЫМИ ДО КОНЦА  — 5 дней назад,   за неделю: 417 
Что в Лепеле лучше. ГОРКИ – ПОГОНЯ ЗА ПАМЯТЬЮ  — 2 дня назад,   за неделю: 405 





Яндекс.Метрика
НА ГЛАВНУЮ